Afmæli, tonleikar, prof, jolin og allt hitt

Ok ég er verst í heimi að blogga o mæ god sko.
En ég er orðin árinu eldri svo kannski skána ég með aldrinum. Veit ekki alveg hvar ég á að byrja, líka búin að gleyma helmingnum af því sem að ég er búin að vera bralla seinasta mánuðinn *roðn*
Allavegna þá átti ég afmæli um daginn og að sjálfsögðu var aðeins haldið uppá daginn. Kristín var svo sæt að baka vöfflur í tilefni dagsins og svo fékk ég pakka vei :) ég vex aldrei upp úr því að fá pakka get ég sagt ykkur. Fékk svo dúlluega gjöf frá Alexander, skærbleikt jóladagatal, hann sá dagatalið í búðinni og þegar hann sá bleika litinn sagði hann við mömmu sína að þetta væri dagatal sem Magga verður að eignast. Litla rúsínan alveg komin með þetta á hreint bleikt=Magga, allavegna þá smjatta ég núna á súkkulaði á hverjum morgni, fékk stjörnu í morgun :D Nú þegar vöfflupartýið var búið var farið heim að gera sig sæta og svo var farið út að borða á uppáhalds Austurlenska staðinn minn í heiminum, maturinn geggjaður og þá var ekkert annað í stöðunni en að skella sér á nokkra koktelbari. Þegar líða fór á kvöldið var ákveðið að fara í heljarinnar Tecno partý í arkitektarskólanum hérna í Köben þar var ekkert smá stuð svo það var dansað fram á rauða nótt meða allskonar týpufólki. Sem sagt mjög svo vel heppnaður afmælisdagur.
Þennan mánuð er ég líka búin að fara á nokkra tónleika, Arcade fire sem voru geggjaðir held þetta séu einu bestu tónleikar sem ég hef farið á. Þvílíkt stuð og þau voru bara í alla stað geggjuð tónlistin, sviðsframkoman og allur pakkinn mæli með þeim ef einhver kemst á tónleika með þeim. Nú svo var farið á Jakóbínarína sem var bara fínt, stystu tónleikar sem ég hef farið á eða heill hálf tími. Og svo um seinust helgi fór ég á Saybia tónleika, eitthvað sem ég lofaði mér þegar ég flutti hingað til Köben að fara á tónleika með þeim og var sko ekki svikin. Þeir eru rosalega góðir á tónleikum meira rokkaðir en á plötunum og héldu alveg uppi stuðinu. Svo er verið að plana fleiri tónleika eftir áramót, allavegna Cure og Kylie sem eru ákveðin.
Annars lítið að frétta héðan frá Lille Hødjeborg, prófin byrjuð á fullu sem er aldrei skemmtilegt. Búin að fara í eitt massíft 4 daga prófi í econometrics úff gekk ekki alveg eins og ég hafði vonað enda var stressið hrikalegt en það þýðir ekkert að velta sér uppúr því heldur bara að snúa sér að næsta prófi. Jólaskapið kemur alltaf þegar líða fer að prófum og ég er alveg komin í jólagírinn. Fór í verslunarferð að kaupa jólaskraut í dag því ekki er hægt að hafa íbúðina óskreytta. Reyndar fann ég ekkert nógu flott skraut hérna í kringum mig svo ég endaði með að kaupa mér rándýran aðventukrans til að skreyta heimilið mitt með. Smá samviksubit að kaupa mér svona dýrt jólaskraut en þetta verður eina skrautið í ár, dýrt og flott hehehe
Well best að fara kúra, þarf víst að taka á móti einhverjum manni hérna í fyrramálið sem þarf að skoða íbúðina, ætla reyna að vera dulegri að skrifa hérna í prófunum.